புது டெல்லி: கதர் கிராமத் தொழில்வாரிய 2017ஆம் ஆண்டு காலண்டர்களிலும், டைரிகளிலும் காந்தியின் புகழ் பெற்ற ராட்டை சுற்றும் தோரணையில் பிரதமர் மோடி புகைப்படங்கள் அச்சிடப்பட்டு இருப்பதைக் கண்டு காதி தொழிலாளர்கள் அதிர்ச்சி அடைந்துள்ளனர். கதர் என்பது மகாத்மா காந்தியால் முன்னெடுக்கப்பட்டு, ஒரு கொள்கையாக வளர்க்கப்பட்டு சுதேசி பொருட்களை பிரபலப்படுத்துவதற்காகவும், நாட்டில் தொழில் மேம்படவும் கொண்டுவரப்பட்டது. அதை அறவே மறக்கடித்து, காங்கிரஸ் ஆட்சி மீதுள்ள காழ்ப்புணர்ச்சியில், பாஜகவின் ஸ்வச் பாரத் (தூய்மை இந்தியா) திட்டம், புதிய இரண்டாயிரம் ரூபாய் நோட்டில் ஏற்கனவே புகுத்தப்பட்டு விளம்பரப்படுத்தப்பட்டுள்ளது. திட்டமிட்டே காந்தியை, அவரது பிம்பத்தை ஒழித்துக் கட்டும் நடவடிக்கைகளில் பாஜகவால் முனைப்பு காட்டப்படுகிறது.

இது குறித்து சற்றும் மனம் தளராத விக்கிரமாதித்தனாக மோடி பழைய ரூபாய் நோட்டுக்களை தனது குஜராத் பண்ணை வீட்டில் கொளுத்தியபடி போகி கொண்டாடியபடி நமது கப்சா நிருபரிடம் ஸ்கைப் வீடியோய காலில் அளித்த பேட்டி: பிரிட்டிஷ் ஆட்சி காலத்தின் போது 1920ம் ஆண்டு காதி இயக்கத்தை மகாத்மா காந்தி கொண்டு வந்ததன் நினைவாகவே, அவரது படம் காலண்டர்களில் இடம்பெற்று வருகிறது. நான் எப்போது செல்லாது அறிவிப்பை வெளியிட்டேனோ அன்றே ‘புதிய இந்தியா பிறந்துவிட்டது’ அன்றைய தினம் முதல் நான் தான் ஊழல் மிக்க தேசத்தின் தந்தை. கடந்த ஆண்டு என் படம் நாட்காட்டியில் சேர்க்கப்பட்டது. இப்போது முற்றிலும் காந்தியின் படம் அகற்றப்பட்டு உள்ளது.

காந்தியின் சிந்தனை, தத்துவம், கொள்கைகளை அரசு கொஞ்சம் கொஞ்சமாக புறக்கணித்து வருவது மகிழ்ச்சி அளிக்கிறது. இதேபோல வரும் சில நாட்களில் காந்தி படத்துடன் வெளியிட்ட 2000 மற்றும் 500 நோட்டுகளை திரும்பப் பெறப்படும். அதற்கு பதிலாக எனது படம் போட்ட புதிய 4000 மற்றும் 200 நோட்டுகள் வெளியிடப்படும். அந்த நோட்டுக்கள் அச்சிடும் பணி நாசிக்கில் நாற்றத்துடன் நடந்து வருகிறது. நோட்டு செல்லாது அறிவிப்பின் கடைசி கட்டமாக படிப்படியாக தேசிய மொழிகள் அனைத்தும் ஒன்றன் பின் ஒன்றாக நீக்கப்பட்டு குஜராத்தி மற்றும் இந்தி மட்டும் இடம்பெறச்செய்ய உள்ளேன். எப்படி நம்ம ஐடியா?” என்று கண்ணடித்தார்.

There are no comments yet