27 C
Chennai
Thursday, November 15, 2018
முகப்பு அரசியல் ஸ்லீப்பர் செல் சிக்கல் – செல்லூர் ராஜுவுக்கு கல்தா கொடுக்க டெட் பாடிக்கு நெருக்கடி கொடுக்கும்...

ஸ்லீப்பர் செல் சிக்கல் – செல்லூர் ராஜுவுக்கு கல்தா கொடுக்க டெட் பாடிக்கு நெருக்கடி கொடுக்கும் பன்னீர்

186

சென்னை: அ.தி.மு.க. எம்.எல்.ஏ.க்கள் 134 பேரில் 113 பேர் முதல்-அமைச்சர் எடப்பாடி பழனிசாமிக்கு ஆதரவாகவும், 21 பேர் டி.டி.வி.தினகரனுக்கு ஆதரவாகவும் உள்ளனர். தினகரனை ஆதரிக்கும் 21 எம்.எல்.ஏ.க்களில் 18 பேர் கட்சி விதிகளை மீறி விட்டதாக கூறி எம்.எல்.ஏ. பதவியில் இருந்து தகுதி நீக்கம் செய்யப்பட்டுள்ளனர். இதையடுத்து சட்ட சபையில் அ.தி.மு.க. எம்.எல்.ஏ.க்களின்பலம் 116 ஆக  குறைந்துள்ளது. இதைப் பயன்படுத்தி ஆட்சியைக் கவிழ்க்கும் முயற்சிகளில் டி.டி.வி.தினகரன் தரப்பினர் ஈடுபட்டுள்ளனர். கட்சியை முழுமையாக கைப்பற்ற வேண்டும் என்ற திட்டத் துடன் அவர்கள் எடப்பாடி பழனிசாமிக்கு எதிராக காய்களை நகர்த்தி  வருகிறார்கள்.’

அவர்கள் அடிக்கடி “எங்களுக்கு ஆதரவு தெரி விக்கும் 8 அமைச்சர்கள், 17 எம்.எல்.ஏ.க்கள் எடப்பாடி பழனிசாமி அணியில் உள்ளனர். அவர்கள் “சிலிப்பர் செல்” போல இயங்கி வரு கிறார்கள். தேவைப் படும் போது அவர்கள் அங்கிருந்து விலகி எங்கள் அணிக்கு வருவார்கள்” என்று கூறி வருகிறார்கள். தினகரன் தரப்பில் இப்படி கூறப்பட்டாலும் அ.தி.மு.க. மூத்த தலைவர்கள், அமைச்சர்கள், எம்.எல். ஏ.க்கள் யாரும் எடப்பாடி பழனிசாமி அணியில் இருந்து மாறவில்லை. எனவே சிலிப்பர் செல் போல வேறு யாரும் இருக்க வாய்ப்பு இல்லை என்று கரு தப்பட்டது. 98 சதவீத பொதுக்குழு- செயற்குழு உறுப்பினர்கள் எடப்பாடி பழனிசாமி பக்கம் இருப்பதால் சிலிப்பர் செல்கள் பற்றிய பரபரப்பு ஓய்ந்திருந்தது.

இந்த நிலையில் நடராஜனை பார்ப்பதற்காக பரோலில் சசிகலா வெளியில் வந்துள்ளதால் மீண்டும் “சிலிப்பர் செல்” பற்றிய பரபரப்பு எழுந்துள்ளது. அதுவும் நேற்று மதுரையில் அமைச்சர் செல்லூர் ராஜு பேட்டியளித்தபோது சசிகலாவுக்கு ஆதரவாக பேசினார். ஜெயலலிதா ஆட்சி அமைய பாடுபட்டவர் சசிகலாதான் என்று புகழ்ந்தார். சசிகலாவை பெயர் சொல்லாமல் “சின்னம்மா” என்று கூறிய அவர் பிறகு “மாண்புமிகு சின்னம்மா” என்று  தெரிவித்தார். இதை யடுத்து அவர் சிலிப்பர் செல்களில் ஒருவராக இருக்கலாம் என்ற சந்தேகம் அ.தி.மு.க.வினரிடம் ஏற்பட் டுள்ளது. டி.டி.வி.தினகரன் தரப்பினர் இதை உறுதிபடுத்தும் விதமாக “சிலிப்பர் செல்”கள் வெளிவரத் தொடங்கி விட்டனர்” என்று கூறியுள்ளனர். இதனால் அ.தி.மு.க. வில் வேறு யார்-யாரெல்லாம் சிலிப்பர் செல்களாக உள்ளனர் என்ற கேள்விக்குறி எழுந்துள்ளது.

இதற்கிடையே அமைச்சர் ஓ.எஸ்.மணியன், பாராளு மன்ற துணை சபாநாயகர் தம்பித்துரை ஆகியோரும் சசிகலாவுக்கு ஆதரவாக பேசி வருகிறார்கள். சசிகலா பரோலில் வந்தால் அவரை சந்தித்துப் பேசுவேன் என்று ஓ.எஸ்.மணியன் கூறியது குறிப்பிடத்தக்கது. இவர்கள் தவிர மேலும் சில அமைச்சர்களும் சசிகலாவுக்கு ஆதரவாக உள்ளனர். ஆனால் சசிகலாவை சந்திக்க தடை விதிக்கப்பட்டுள்ளதால் அவர்கள் சந்திக்க முன்வர வில்லை என்று கூறப்படுகிறது. இவர்களில் சிலர் சசிகலாவுடன் போனில் பேசியதாக உறுதி செய்யப்படாத ஒரு தக வல் வெளியாகி இருக்கிறது. எம்.எல்.ஏ.க்களில் 17 பேர் சிலிப்பர் செல்களாக இருப்பதாக டி.டி.வி.தினகரன் தரப்பினர் சொல்கிறார்கள். ஆனால் எடப்பாடி பழனிசாமி அணியில் பெரும் பாலானவர்கள் இருப்பதால் சிலிப்பர் செல்களில் சிலர் மனம் மாறி விட்டதாக கூறப்படுகிறது. இந்த நிலையில் அ.தி.மு.க. எம்.எல்.ஏ.க்கள் மத்தியில் சிலிப்பர் செல் குறித்த தகவல்கள் ஆதங்கத்தை ஏற்படுத்தியுள்ளது. ஒருவரை ஒருவர் “இவர் சிலிப்பர் செல்” ஆக இருக்குமோ?  என்று சந்தேகத்துடன் பார்க்கத்  தொடங்கியுள்ளனர். இதன் காரணமாக அ.தி. மு.க. எம்.எல்.ஏ.க்கள் மற்றும் நிர்வாகிகள் ஒருவருக்கு ஒருவர் சகஜமாக பேசுவது கூட குறைந்து போய் விட்டது. இந்நிலையில்  செல்லூர் ராஜூ, ஸ்லீப்பர் செல் இல்லை என டிடிவி தினகரன் கூறினார். சி.ஆர்.சரஸ்வதியின் கருத்துக்கு மாற்றாக தினகரன் இப்படி கூறியிருப்பது குறிப்பிடத்தக்கது.

இது குறித்து இன்று திருச்சியில் ஒரு நிகழ்ச்சிக்கு வந்திருந்த அமைச்சர் செல்லூர் ராஜூவிடம் நிருபர்கள் கருத்து கேட்டனர். அப்போது செல்லூர் ராஜூ, ‘சசிகலா குறித்து எனது மனசாட்சிப்படி பேசினேன். அது பெரிதாக்கப்பட்டுள்ளது. தினகரன் கூறியதுபோல நான் ஸ்லீப்பர் செல் இல்லை. எளிமையான முதல்வர் எடப்பாடி பழனிசாமி தலைமையிலான இந்த ஆட்சி தொடரவேண்டும்’ என்றார் செல்லூர் ராஜூ. இந்த சர்ச்சை குறித்து சென்னையில் இன்று டிடிவி தினகரனிடம் செய்தியாளர்கள் கேட்டனர். “நேற்றே என்னிடம் செல்லூர் ராஜூ, ஸ்லீப்பர் செல்லா? என்று கேட்டார்கள். நான், ‘இல்லை’ என்று சொன்னேன். அவர் ஏதோ மனசாட்சிப்படி பேசியிருப்பதாக கூறினேன். அதுதான் என் கருத்து! ஸ்லீப்பர் செல்களை வெளிப்படையாக கூற முடியாது. சட்டமன்றத்தில் நம்பிக்கை வாக்கெடுப்பு நடைபெறும்போது அவர்கள் வெளியே வருவார்கள். நம்பிக்கை வாக்கெடுப்பை எடப்பாடி பழனிசாமி அதிக நாட்கள் தள்ளிப்போட முடியாது. வேண்டுமென்றால் அடுத்த சட்டமன்றக் கூட்டத்தொடர் வரை தள்ளிப் போடலாம்.எங்கள் எம்.எல்.ஏ.க்கள் மீது சபாநாயகர் எடுத்த நடவடிக்கை தவறானது என்றுதான் உச்சநீதிமன்றம் சென்றாலும் தீர்ப்பு வரும். அதன்பிறகு சபாநாயகர் மீது நடவடிக்கை கோருவோம்’ என்றார் டிடிவி தினகரன். இதையடுத்து செல்லூர் ராஜுவுக்கு கல்தா கொடுக்க எடப்பாடிக்கு நெருக்கடி கொடுக்க ஓபிஎஸ் ஆலோசனை செய்து வருவதாக நம்பத்தகாத செய்திகள் தெரிவிக்கின்றன
பகிர்

There are no comments yet