திமுக ஸ்பான்சர் செய்த கருத்துக் கணிப்பு – கலைஞர், ஸ்டாலின் ரகசிய உரையாடல் அம்பலம்

சென்னை: கடந்த வாரம் தினமலர் நாளிதழில் வந்த திமுக ஆதரவு கருத்துக் கணிப்பு குறித்து ஊரே அல்லோலகலப்பட்டு இருக்கும் நிலையில், உங்கள் நியூஸின் கற்பனையையும் மிஞ்சிய இந்த கருத்துக் கணிப்பு குறித்து கலைஞருக்கும் ஸ்டாலின், சபரீசன் கோஷ்டிக்கும் சூடான விவாதம் நடந்ததாக தெரிய வந்துள்ளது. வழக்கம் போல், ரகசிய மைக்ரோ போன் இல்லாமல், தனது ஞான த்ருஷ்டியிலேயே இந்த உரையாடலை ஒட்டுக் கேட்ட நமது நிருபர், உங்களுக்குகாக இங்கே வழங்குகிறார்.

ஸ்டாலின்: தலைவரே, எப்படி நம்ம கருத்து கணிப்பு? நீங்க சொன்ன மாதிரி நியூஸ் 7 -ல அசதிப்புட்டோம்ல….

கருணாநிதி: அடேய் அப்பரன்டிஸ்களா, நான் என்ன சொன்னேன், நீங்க என்ன செஞ்சிருகீங்க….. சொன்னதை மட்டும் செய்யுங்கடான்னா, சொல்லாததையும் செஞ்சி என் மானத்தை வாங்கிடீங்களேடா

ஸ்டாலின்: நான் என்ன தப்பா செஞ்சிட்டேன்னு இவ்வளவு கோபப்படுறீங்க?

கருணாநிதி: உங்கள யாருடா ஜகத் கஸ்பர கொண்டு போய் முதல் நாளே நியூஸ் 7-ல முன்னாடி உட்கார வச்சது? முதல் நாள், ஜனங்க ஆர்வமா பார்ப்பாங்கனு தெரியாதா உங்களுக்கு? என்ன மரை கழண்டு போச்சா? சென்னை சங்கமம் மாநாட்டுல முன்னாடி உட்கார்ந்த அந்த முகத்தை பார்த்த யாராவது மறந்திருப்பார்களா? போகும் போது கொண்டைய மறைங்கடான்னு சொன்னா, மறைக்காமல் காட்டி கொடுத்துட்டு வந்து நிற்கிறீங்களேடா

ஸ்டாலின்: ம்ம், அது வந்து…

கருணாநிதி: பாவிகளா…ஒன்னு கூட உருப்புடியா செய்யாதீங்க, இப்படி தான் விஜயகாந்தை கூட்டி வாங்கடானு சொன்னா, இமான் அண்ணாச்சியை கூட்டியாந்தீங்க..

ஸ்டாலின்: நாங்க என்ன செய்றது , ரெண்டு பேரும் ஒரே மாதிரி இருந்தாங்க, அதனால கூட்டியாந்தோம். நியூஸ் 7-ல ஜெகத் கஸ்பர்ஐ கூப்பிடாங்க, நாங்க வேணாம், அவரை கூப்பிட்டால் மக்களுக்கு தெரிந்துவிடும், மானம் போய்டும் என்று கூறினோம். ஆனால் அவர்கள் கேட்கவில்லை.

கருணாநிதி: 5 கோடியை விஜயகாந்த் கிட்ட கொடுத்து வேலைய முடிங்கடானா, சந்திரகுமார் கிட்ட கொடுத்து கூட்டியாந்து சொதப்பிட்டீங்க, உங்கள எதற்கு தண்டத்திற்கு வச்சிருக்கேனோ… உங்களையெல்லாம் வச்சிக்குனு நான் எப்படி தேர்தல்ல ஜெயிக்க போறேனோ?

ஸ்டாலின்: எனக்குதான் மூளையே இல்லையே, நீங்களாவது ஒரு ஐடியா சொல்லுங்க

கருணாநிதி: நீ என்ன பண்ணு நேஷனல் ஜியோக்ராபிக் சானல் ஆபீசுக்கு போய், செம்பரம்பாக்கம் ஏறி திறந்துவிட்டதை பற்றி ஒரு டாக்குமெண்டரி போட சொல்லு, முக்கியமா ஜெயாதான்  அழுத்தி சொல்ல சொல்லு. அவங்க போட்டா தான் மக்கள் நம்புவாங்க, வேறு யார் போட்டாலும் நம்ப மாட்டாங்க. அதிமுகவுக்கு எதிர்ப்பு அலை உண்டாகணும் அவ்வளவு தான், போகும் போது அந்த 2G பணத்தை எண்ணி சூட்கேஸ்ல எடுத்துட்டு போ, அது கூட இந்த CDயும் கொடுத்து ஒளிபரப்ப சொல்லிட்டு வா

ஸ்டாலின்: இதோ கிளம்பறேன்.

கருணாநிதி: தம்பி, இந்தப்பக்கம் போனா கலைஞர் டிவி, நீ எப்பதான் வளரப் போறியோ தெரியல.