சென்னை: தரமணி அருகே அதிகாலை முனுசாமி (45) என்ற முதியவர் சாலையை கடப்பதற்காக நின்றுள்ளார். அப்போது “ஒய் திஸ் கொலவெறி டி” என்ற பாடல் சத்தமாக ஒலிக்க வேகமாக வந்த கக்கூசு கார் ஒன்று அவர் மீது மோதியதில் சம்பவ இடத்திலேயே உயிர் இழந்தார்.

பொது மக்கள் துரத்திப் பிடித்ததில் காருக்குள் மூன்று பெண்கள் இருப்பது தெரிய வந்தது. மூக்கு முட்ட குடித்திருந்த மூவரும் சாப்ட்வேரை அண்டர்வேராக மாற்றும் வன்முறையாளர்கள் என்று தெரிய வந்தது. பொதுமக்கள் அவர்களை விரட்டிப் பிடித்து காவல் துறையிடம் ஒப்படைத்தனர். முதியவர் மீது காரை மோதி விபத்துக்கு உள்ளாக்கியவர் பெயர் ஐஸ்வர்யா என்றும் அவர் சென்னையைச் சேர்ந்த்த குண்டூசி விற்கும் தொழில் அதிபர் ஒருவரின் மகள் என்பது விசாரணையில் தெரிய வந்தது. இந்த நிலையில் சிறையில் ஐஸ்வர்யா மகிழ்ச்சியாக தண்ணி அடிப்பது போல ஒரு படம் வைரலில் உள்ளது குறிப்பிடத்தக்கது.ishwarya jail

இது குறித்து ஐஸ்வர்யாவின் தந்தை நமது கப்சா நிருபரிடம் அளித்த ‘பெருமித’ பேட்டி: ஐஸ்வர்யா அவ்வப்போது கொஞ்சம் ரம் மட்டும் அடித்து, ஜாலியாக இருப்பாள். ரெம்ப படித்து கம்பியூட்டரோடு பழகி பழகி இரும்பு மனம் கொண்டவள். கோடிகள் மதிப்புள்ள ஆடி காரில் (நரக) நகர்வலம் வருபவள், பல்லக்கு பவனி வரும் அவளது ஆடி கார் எப்படி ஸ்பீடு ஆக வரும்? தற்கொலை செய்யும் கொடிய எண்ணதுடன் அந்த முதியவர் முனுசாமிதான் தானாக வலிய வந்த்து மோதி காரில் கபால மோட்சம் அடைந்த்தார். இறந்த பிறகு அவரே என் கனவில் வந்து சொன்னார்.

அத்துடன் நடிகர் சல்மான் கான் மற்றும் எங்களை மாதிரி நிறைய   ‘பெரிய’ மனிதர்களுக்கு இது அல்வா சாப்பிடறது மாதிரி. அம்மா ஜெயலலிதாவே டாஸ்மாக் எல்லோருக்கும் சரக்கு, ஆணுக்கு பெண் சமம் என்று சொல்லியிருக்கிறார்.

வைரலில் உள்ள புகைப்படம் பற்றி கூறுகையில், அது சிறையில் எடுக்கப்பட்ட படம் அல்ல, சென்னையில் அவளுக்கு பிடித்த “கைதி” ரெஸ்டாரண்டில் எடுக்கப்பட்டது, என் மகள் நிஜமாக சிறையில் ஒரு சிறிய ‘பார்’ செட்டப்புடன் சொகுசாக வஞ்சிர மீன் வறுவலுடன் ஜாமீனுக்காக காத்திருக்கிறாள், என்றார்.

பகிர்

There are no comments yet