கர்நடகா: கர்நாடக அரசுதலைமைச்செயலாளர் அரவிந்த்ஜாதவின் தாயார் தாராபாய்மாருதிராவ் ஜாதவ் பெங்களூரு ஊரக மாவட்டம், தேவனஹள்ளி வட்டம், ஹெக்கனஹள்ளி கிராமத்தில் சட்டவிரோதமாக வாங்கியுள்ளதாக கூறப்படுகிறது. இது தொடர்பாக விசாரணை நடத்துமாறு முதல்வர் சித்தராமையா உத்தரவிட்டுள்ளார். இந்தவிவகாரத்தில் தலைமைச்செயலாளர் பதவியில் இருந்து அரவிந்த்ஜாதவ் ராஜிநாமா செய்ய வேண்டும் என்று எதிர்க்கட்சிகள் வலியுறுத்திவருகின்றன.பெங்களூரு ஊரக மாவட்டம், தேவனஹள்ளி வட்டத்தில் உள்ள ஹெக்கனஹள்ளியில் 1996-97-ஆம் ஆண்டுவாக்கில் இந்தநிலத்தை விவசாயம் அல்லாத நிலமாக மாற்றி, இந்தநிலத்தை விற்று ரூ.82.52 லட்சம் வரை சம்பாதித்திருப்பது ஆவணங்கள் மூலம் தெரியவந்துள்ளது. விளைநிலத்தை வாங்கி அதை விவசாயமல்லாத நிலமாக மாற்றி சட்டவிரோதமாக பணம் சம்பாதித்துள்ளதாக குற்றச்சாட்டு எழுந்துள்ளது. இந்நிலையில், தாராபாய் மாருதிராவ் ஜாதவ் மேம்படுத்திய நிலத்தில் நடிகர் ரஜினிகாந்த் 2 வீட்டுமனைகளை வாங்கியுள்ளது தெரியவந்துள்ளது. ஜாதவுக்கு சொந்தமான சர்ச்சைக்குரிய இந்தநிலத்தில் சர்வே எண் 80-இல் நடிகர் ரஜினிகாந்த் 0.813 ஏக்கர் பரப்பளவு கொண்ட 2 வீட்டுமனைகள் வாங்கியிருக்கிற பத்திரத்தில் கொள்முதல் செய்வோரின் பெயர் சிவாஜிராவ் கேய்க்வாட் (எ) ரஜினிகாந்த் தபெ ரானோஜிராவ் என்றும், முகவரி: போயஸ்கார்டன், சென்னை என்றும் குறிப்பிடப்பட்டுள்ளதாக கூறப்படுகிறது. இதில் கெம்பேகௌடா பன்னாட்டுவிமானநிலையத்தின் அருகே அமைந்துள்ள இந்தவீட்டுமனையில் நடிகர் ரஜினிகாந்த் பண்ணைவீடு ஒன்றை கட்டியுள்ளதாக ஹெக்கனஹள்ளி கிராமவாசிகள் தெரிவித்தனர்.

இது குறித்து சூப்புர ஸ்டார் ரஜினி நமது சைலன்ட் நிருபருக்கு அளித்த மௌன பேட்டி: பெங்களூருவில் கண்டெக்டராக டிக்கெட் கிழித்து வாழ்க்கையை தொடங்கிய நான் இன்று அதிகம் சம்பாதிக்கும் சினிமா நடிகனாக வளர்ந்துள்ளதற்கு தமிழர்கள் தான் காரணம். அவன் தன் வாழ்க்கையை கிழித்து என்னை வாழ வைத்துக் கொண்டிருக்கிறான். என் கட் அவுட்டுகளுக்கு பாலாபிஷேகம் செய்தே தமிழ் நாட்டின் பால் வளத்தை பாழாக்கிக் கொண்டிருக்கிறான். அவன் முட்டாளாக இல்லாவிட்டால் என்னால் மாநிலம் விட்டு மாநிலம் வந்து மகராஜா வாழ்க்கை வாழ முடியுமா? சமீபத்தில் கபாலி ரிலீசின் போது கூட நள்ளிரவு 3 மணியளவில் 50-60 வயது உடைய என் ரசிக பட்டாளம் டிக்கட் கிடைக்காமல் கண்ணீர் சிந்திக் கொண்டு பேனர்களையம், தங்களது சேட்டைகளையும் கிழித்துக் கொண்டு சென்றதை சமூக வலை தளங்களில் பகிரப்பட்டதை பார்த்தேன். எனது பெரிய மகள் 3 என்ற சினிமா எடுத்து என் நெற்றியில் பெரிதாக 3பட்டை நாமம் போட்டுவிட்டாள், மோடிக்கு கும்பிடு போட்டு, இப்போது ஐ. நா. சபை தூதராக நான் தான் சேர்த்து விட்டேன். kabaliஇளைய மகளோ அனிமேஷன் படம் எடுக்கிறேன் என்ற பெயரில் என் உடம்பில் லைட்டை கட்டி கழை கூத்தாட விட்டு சம்பாதிக்க நினைத்து எனக்கு லூஸ் மோஷன் வர வைக்கிறாள். என் மனைவியோ ஆசிரமம் என்ற பெயரில் பள்ளிகளை நிறுவி பெற்றோருக்குக் மாணவர்களுக்கும் ‘சிரமம்’ தந்து கல்விக் கொள்ளை நடத்திக் கொண்டிருக்கிறார். கடைசி காலத்தில் என்னை காப்பாற்ற ஒரு மகனை எனக்கு என் பாபாஜியோ ராகவேந்திரரோ கொடுக்க வில்லை.

முன்பெல்லாம் முடியைக் கோதி விட்டால் போதும் ரசிகன் ஏமாந்துவிடுவான். ஆனால் இப்போது தமிழ் ரசிகன் வாட்சப், டுவிட்டர், பேஸ்புக் என்று உலகசினிமா அறிவோடு, டெக்னிகல் விஷயங்களையும் கற்று உலா வருகிறான். பாபா படத்தில் எனக்கு வராத கதை திரக்கதை வசனம் இயக்கம் செய்து தயாரிப்பளர்களுக்கு பணத்தை திருப்பிக் கொடுத்து அசிங்கப்பட்டேன். பிறகு ரேஸ் குதிரை என எழுந்த்து சந்திரமுகியில் குழந்தைகளை கலங்கடித்தேன். சிவாஜியில் என் சொந்த கறுப்பு பண சேகரிப்பு அனுபவத்தை கொண்டு சிறப்பாக நடித்து ரசிகனை சுரண்டினேன். பின்னர் மூட்டுவலி, முதுகுவலி வந்து விட்டதால் எனக்கு பதில் ரோபோவை நடிக்கவைத்து எந்திரனில் கிராபிக்ஸ் வித்தை காட்டி ஒப்பேற்றினேன். கடைசியாக நடித்த கபாலி கூட மலேசிய தமிழர்களுக்கு அவர்கள் பண்பாட்டை வளர்க்கும் விதமாக எடுக்கப்பட்ட ‘கலைப்போலி’ தான். இனிமேலும் ரசிகனை ஏமாற்ற முடியும் என்ற நம்பிக்கை போய் விட்டது.. எனக்கு ரசிகர்கள் கட்டாய ஓய்வு கொடுத்து விட்டால் கடைசி காலத்தை கழிக்கவே ஹெக்கனஹள்ளி கிராமத்தில் சட்டவிரோதமாக நிலம் வாங்கி குடிசை போடச் சொல்லி இருக்கிறேன்.” என்று கூறி ஹாஹஹஹஹஹா டிரேடு மார்க் சிரிப்பு சிரித்துக்கொண்டு விட்டத்தைப் பார்த்தார்.

There are no comments yet