சென்னை: ட்விட்டரில் அனிருத்துக்கு குட்பை சொல்லி இருக்கிறார் தனுஷ். இசையமைப்பாளர் அனிருத்தின் காட்ஃபாதரே தனுஷ் தான். முதல் படமான 3-இல் ஆரம்பித்து ரெமோ வரை அனிருத்தின் இசை பயணத்தில் பெரும் பங்கு வகித்தவர் தனுஷ். அனிருத் இசையமைத்த 14 படங்களில் 8-இல் தனுஷ் ஏதோவொரு வகையில் சம்பந்தப்பட்டு இருக்கிறார். தனுஷின் சமீபத்திய படங்களான 3, வேலையில்லா பட்டதாரி,மாரி,தங்கமகன் ஆகியவை அனிருத் லேபிளோடு தான் களம் இறங்கியவை என்பது அனைவரும் அறிந்ததே.எதிர்பாராத விதமாக பாடல்களும் தெறி லோக்கல் ஹிட். எதிர்நீச்சல்,காக்கிசட்டை, நானும் ரவுடி தான் என தனுஷ் தயாரித்த படங்களுக்கும் அனிருத்தே ஆஸ்தான இசையமைப்பாளர். செல்வராகவனின் படமான இரண்டாம் உலகத்திற்கு பின்னணி இசை தந்து படத்தை வேறு கட்டத்திற்கு கொண்டு சென்றது அனிருத் என்றால் மிகையாகாது. ஐஸ்வரியா தனுஷின் மாமா மகனான அனிருத் அவரின் இரண்டாம் படமான ‘வை ராஜா வை’ படத்திற்கு கூட இசையமைக்கவில்லை. அப்போதும் சில காரணங்கள் சொல்லப்பட்டது.dhanush-and-anirudh-fight

இந்நிலையில் கடந்த வாரம் தனுஷ் முதல்முறையாக இயக்க இருக்கும் பவர்பாண்டி படத்தின் போஸ்டர் வெளியாகியது. போஸ்டரில் ரசிகர்கள் அனைவரும் தேடியது அனிருத் பெயரைத்தான். ஆனால், அனிருத் பெயர் இல்லை. அதற்கு பதில் ஜோக்கர் படத்தின் இசை அமைப்பாளர் ஷான் ரோல்டனின் பெயர் இருந்தது பலரை அதிர்ச்சிக்குள்ளாக்கியது. இதையடுத்து ஆனந்த விகடனில் வந்த பேட்டியில் அனிருத்-தனுஷ் ஜோடி பிரிஞ்சது ஏன்? என்னும் கேள்விக்கு, இப்போ அவர் ரொம்ப பிஸி. அமைஞ்சா பார்க்கலாம் என பதில் சொல்லி இருக்கிறார் தனுஷ். இப்போது இறுதியாக ட்விட்டரில் அனிருத்தை அன்ஃபாலோ செய்து இருக்கிறார் தனுஷ்.

இந்த அதிர்ச்சி தகவலை உறுதி செய்ய நமது கப்சா நிருபர் தனுஷின் வீட்டிற்கு சென்றபோது, சமீபத்தில் மொக்கை வாங்கிய “தொடரி” பட டிரயின் செட்டில் இருந்து கொண்டு வரப்பட்ட ஒரு தகர டப்பாவை தட்டிக் கொண்டிருந்த தனுஷ் அளித்த பேட்டி: மியூசிக் பண்ணனும்னு ரொம்ப ஆசை இருக்கு, சீக்கிரமா நடக்கும். என் மாமா ரஜினிகாந்த் சிம்புவுக்கு எதிராக கொம்பு சீவி விடத்தான் என்னே மாப்பிள்ளையாக ஏற்றுக் கொண்டார் என்பது சினிமா உலகத்தையும் தாண்டி பொதுமக்கள் மற்றும் ரசிகர்கள் அனைவரும் அறிவர். என் மனைவியின் மாமா மகனான அனிருத் நன்றாக இசை அமைக்கிறார். என்னை விட கலராகவும் அழகாகவும் இருக்கிறார். தற்போது எங்கள் குடும்பத்திற்குள் புகுந்து குட்டையை குழப்பி சௌந்தர்யாவையும் அவர் கணவர் அஷ்வினையும் பிரித்து விட்டார். உலக இசை ரசிகர்களின் கவனத்தை கவர்ந்த ஒய் திஸ் கொலவெரி “சூப்” சாங்கை எழுதியது நான் தானே? அது மாதிரி நர்சரி ரைம்சை காப்பி அடித்து பீப் அல்லது சூப் சாங்கை போல ஒரு ‘சீப்’ ஆன குத்துப் பாடலை உருவாக்கி உலகப்புகழ் பெறுவேன். சிம்பு மாதிரி பயந்து ஓட மாட்டேன், என் மாமாவின் வேட்டிக்கு பின் பாதுகாப்பாக ஒளிந்து கொள்வேன். வழக்கம் போல் அவர் வாய்ஸ் கொடுத்து காப்பாத்துவார்.simbu anirudh

தென்னிந்திய புரூஸ்லி என்ற பட்டத்துடன் வலம் வந்த என்னை சிலர் நாக்கு பூச்சி நடிகர் என்றும் செல்லமாக அழைப்பார்கள், அப்போதே நாக்கை சுழட்டி நான் பாட்டுப் பயிற்சி செய்து என் சாரீரத்தை வளப்படுத்தி வைத்திருக்கிறேன். சரீரம் தான் வெயிட் போட மாட்டேன் என்கிறது, அட் லீஸ்ட சாரீரம் வெச்சு ஏதாச்சும் பாட முடியுமான்னு பார்ப்போம். நாட்டுச் சரக்கு நச்சுன்னு தான் இருக்கு என்றும் கிட்ட வந்து முட்ட வந்தா கிண்ணுணுதான் இருக்கு என்றும் குத்தாட்டம் போட்ட இந்த பொய்க்கால் குதிரை மன்மத ராசாவுக்கு கால்களால் குத்துகிற குத்தை கைகளால் பியானோ கீ போர்டில் குத்தி அண்ணண் எஸ் ஜே சூர்யா, தோல்வாத்தியக்காரர் டி.ஆர் மாதிரி “மீஜிக்” போட தெரியாத என்ன? ரஜினி மருககனாக் இருப்பதைக் காட்டிலும் ஆத்துல ஒரு கால் சேத்துல ஒரு கால் என அனைத்து துறையிலும் தலையீடு செய்து அம்பாசிடர் கார் நாயகன் கமலின் கலைவாரிசாக இருப்பதையே விரும்புகிறேன் என்று கூறி மீண்டும் தகர டப்பாவை தட்ட தொடங்கினார் தனுஷ்.

பகிர்

There are no comments yet