சென்னை: முதல்-அமைச்சர் ஜெயலலிதா உடல்நிலையில் நல்ல முன்னேற்றம் ஏற்பட்டுள்ளதை தொடர்ந்து, அடுத்த வாரத்துக்குள் அவரை சாதாரண வார்டுக்கு மாற்றம் செய்ய டாக்டர்கள் குழு முடிவு செய்துள்ளது. அவரது உடல்நிலையில் தொடர்ந்து நல்ல முன்னேற்றம் ஏற்பட்டு வருகிறது. கடந்த சில நாட்களுக்கு முன்பு இருந்து அவர் எழுத பயிற்சி பெற்று வருகிறார். அவரது தொண்டையில் குழாய் பொருத்தப்பட்டு, ‘டிரக்கியாஸ்டமி’ சிகிச்சை முறையில் செயற்கை சுவாசம் அளிக்கப்பட்டு வந்தது. ஜெயலலிதா உடல்நிலையில் ஏற்பட்டுள்ள முன்னேற்றத்தை கருத்தில் கொண்டு, அவரை இயற்கையாக சுவாசிக்க வைக்க டாக்டர்கள் முயற்சி மேற்கொண்டனர். அதாவது, ‘டிரக்கியாஸ்டமி’ சிகிச்சையை நிறுத்தப்பட்டு, இயற்கையாகவே அவரால் சுவாசிக்க முடிகிறதா? என்று டாக்டர்கள் பரிசோதனை செய்தனர். ஜெயலலிதா இயற்கையாக சுவாசிக்கும் நேரத்தை டாக்டர்கள் அதிகரித்தபோதும் அவரால் இயல்பாக மூச்சுவிட முடிந்தது. இதனால், டாக்டர்கள் மகிழ்ச்சியடைந்தனர். விரைவில், அவரது தொண்டையில் பொருத்தப்பட்டுள்ள குழாய் அகற்றப்பட இருக்கிறது. அதனைத் தொடர்ந்து, அவரை சாதாரண வார்டுக்கு மாற்ற டாக்டர்கள் குழு முடிவு செய்துள்ளது.ops

இந்த முன்னேற்றம் குறித்து சட்டசபையில் மார்னிங் ஷிப்ட் முடித்து அப்பல்லோவில் அட்டெண்டன்ஸ் போட வந்த பொறுப்புகளை எடுத்துக்கொண்ட பொறுப்பில்லாத அமைச்சர் ஓ. பன்னீர்செல்வம் நமது கப்ஸா நிருபரிடம் கூறியதாவது: “அம்மா உடல்நிலையில் நல்ல முன்னேற்றம் ஏற்பட்டுள்ளது அதற்கு காரணம் மருத்துவர்கள் அளித்த ஏதோ ‘அஸ்டமி நவமி’ சிகிச்சையாம், அத்துடன் அதிமுக தொண்டர்களின் ஆறு கால பூஜையும், அர்ப்பணிப்பும் பூசணி பரிகாரங்களும் தான். அம்மா 40-நாட்களுக்கு மேல் தங்கியிருந்த ஐசியூ வார்டு பெயர் ஏசியு என்று அதாவது “அம்மா கேர் யூனிட்” என்று மாற்றுவதற்கு சின்னம்மா உத்திரவுப்படி அப்பல்லோ நிர்வாகத்துடன் பேசிவருகிறேம். அதோடு அந்த வார்டையும் ஒரு அருங்காட்சி அறையாக மாற்றி அங்கு தமிழ்நாடு முழுவதும் இருக்கும் அடிமைகளுக்கு ‘இதுதான் அம்மா இருந்த வார்டு’ என்று காண்பித்து வசூல் செய்யவும் அப்பல்லோவுக்கு ஆலோசனை கொடுத்துள்ளேன். அம்மா நல்லபடியாக உடலநலம் தேறி ஆட்சிப் பொறுப்பை ஏற்றவுடன் அப்பல்லோ மாதிரி ஒரு மருத்துவமனை கட்டுவோம், இல்லாவிட்டால் சின்னம்மாவிடம் சொல்லி ஜாஸ் சினிமாஸ் மாதிரி அப்பல்லோவையும் விலைக்கு வாங்கியோ, அல்லது லீசுக்கு எடுத்தோ எங்களது சேவையை தொடர்வோம் என்றார். இப்போதைக்கு அம்மா தங்கி நலம் பெற்ற அந்த வரலாற்று சிறப்பு மிக்க ஐசியூ வார்டு பெயரை மட்டும் மாற்ற உள்ளோம். தேர்தல் சமயத்தில் தேர்தல் ஆணையம் அல்லது சமூக ஆர்வலர்கள் ஆட்சேபம் தெரிவித்தால், கடந்த தேர்தலின் போது நீதிமன்ற வழிகாட்டுதலின்படி மினி பஸ் மீதிருந்த இரட்டை இலை சின்னத்தை ஸ்டிக்கர் ஒட்டி மறைத்தது போல ஸ்டிக்கர் ஒட்டி சமாளிப்போம்.jaya sasikala

ஆங்கிலேயர் ஆட்சிக் காலத்தில் வைக்கப்பட்ட பல தெருக்களின் பிரபலமான பெயர்களை மாற்றி மக்களை அட்ரஸ் கண்டுபிடிக்க விடாமல் குழப்பிய திமுக விற்கும் பதிலடி கொடுக்கும் வகையில் அப்பல்லோ இருக்கும் தெரு பெயரை மாற்றி, அம்மாவுக்கு சிகிச்சை அளித்துவரும் மருத்துவர் ‘ரிச்சர்டு ஜான் பீலே’ வின் பெயரை வைக்கவும் முடிவு செய்துள்ளோம். அது தவிர, மியூசியம், கிண்டி சிறுவர் பூங்கா போல அப்பல்லோவையும் ஒரு சுற்றுலா தலமாக அறிவித்து, சென்னையின் பல முக்கிய இடங்களின் இருந்து மினி பஸ், மற்றும் ஷேர் ஆட்டோக்கள் விடவும் அங்கு ஐஸ் வண்டி, பாப்கார்ன் எந்த நேரமும் தடையின்றி கிடைக்கவும், கோவில்கள் மற்றும் புண்ணிய தலங்களில் உள்ளதுபோல் அம்மா படம் பொறித்த டாலர் கீ செயின் விற்கும் கடையும் நிறுவ ஆவன செய்யப்படும்.” என்றார்.

அப்போது நமது கப்ஸா நிருபர் இடைமறித்து ‘ஜெயலலிதா பெங்களூரில் தங்கியிருந்த சிறையும் பெயர் மாற்றப்படுமா’ என்று கேட்டதற்கு ‘அது தமிழ்நாடு இல்லை, அயல் நாட்டு பிரச்சினை நமக்கு வேண்டாம்’ என்று அவசர அவசரமாக பேட்டியை முடித்து பூஜை செய்ய விரைந்தார்.

பகிர்

There are no comments yet