பன்னீரை ஆதரிக்கும் தன்னிலை மறந்த கருத்து கந்தசாமி கமல்ஹாசனின் டுவீட்டுகளால் ஓபிஎஸ் ஆதரவாளர்கள் குழப்பம் – ஆட்சியமைப்பதில் சிக்கல்

இதை எல்லாம் தாங்கிக் கொண்ட நெட்டிசன்கள் சிலர் பன்னீர் – சின்னம்மா குறித்த கமல்ஹாசனின் டுவீட்டுக்ளைப் பார்த்தும், பேட்டியை டிவியில் கண்டும், புத்தி பேதலித்து ‘குணா’ படத்தில் வரும் லூசு கேரக்டர் போல் பிதற்ற ஆரம்பித்து விட்டனராம். “Don’t breakTN in2 a country. I promise, All India will fight 4TN in a civil war of Ahinsa.None might die but the ignorant will come alive” (தமிழகத்தை உடைத்து நாடாக்காதீர்கள், மொத்த இந்தியாவும் அகிம்சை வழியில் போராடும், யாரும் சாக மாட்டார்கள் ஆனால் ஒதுக்கியவர்கள் உயிருடன் வருவார்கள்) என்ற வாசகத்தை படித்தவர்கள் திரும்பத் திரும்ப விட்டத்தை வெறித்ததாலும், சட்டையைக் கிழித்துக் கொண்டு தெருக்களில் சுற்றுவதாலும் பொது மக்கள் அச்சத்தில் 108க்கு போன் செய்ய, அவ்வாறு சுற்றிக் கொண்டிருந்தவர்களை மாநகராட்சி நாய் வண்டியில் ஏற்றி கீழ்ப்பாக்கம் மனநல மருத்துவமனையில் சேர்த்துள்ளதாக கப்ஸா நிருபர் தெரிவித்தார். பெரும்பாலான ஓபிஎஸ் ஆதரவாளர்கள் கீழ்பாக்கம் சென்று விட்டதால் அவர் ஆட்சியமைப்பதில் சிரமம் ஏற்படும் என தெரிகிறது