சென்னை: பன்னீர் செல்வத்திற்கும் அதிமுக பொதுச்செயலாளர் சசிகலாவிற்கும் இடையே அனல் பறக்கும் போர் நடைபெற்று வருகிறது. மாறி மாறி இருவரும் ஒருவரைப் பற்றி ஒருவர் குற்றம் சாட்டி வருகின்றனர். கடந்த பிப்ரவரி 7-ம் தேதி ஜெயலலிதா சமாதியில் தியானாம் இருந்து, அம்மாவின் ஆன்மா சொன்னதற்கிணங்க சின்னம்மா சசிகலாவை எதிர்த்து குரல் எழுப்பிய ஓபிஎஸ்சுக்கு ஜெயலலிதாவின் ஆன்மா அடிக்கடி வந்து தொல்லை கொடுப்பதாக தெரிகிறது.

இந்நிலையில் தனக்கு ஆதரவாக உள்ள நிர்வாகிகளுடன் முன்னாள் முதல்வர் ஓ.பன்னீர் செல்வம் ஆலோசனை நடத்தினார். பின்னர் நமது கப்ஸா நிருபரிடம் கூறியதாவது: அம்மாவோட ஆன்மா இப்பெல்லாம் நான் தியானம் பண்ணாமலேயே ஏன் கனவிலே வந்துடுது. ஆன்மாவை பார்த்தவுடனேயே நான் தரையில் விழுந்து, முதுகு வளைந்து கும்பிடுவேன், அதுக்கப்புறம் தான் என்னிடம் பேசும். நேத்து வந்தப்ப, அம்மாவோட ஆன்மாவுக்கு என்னிடம் பேசக்கூட டயம் இல்லை, ரெம்ப பிஸி அப்படீன்னு சொல்லி, என்கிட்டே ஒரு பேப்பரை கொடுத்து இதுல உனக்கு சில கேள்விகள் கேட்டிருக்கேன், பதில் ரெடி பண்ணி வைன்னு சொல்லிடிச்சு, நான் பேப்பரை பிரிச்சு படிச்சு பார்த்தா, எனக்கு கையும் ஓடல, காலும் ஓடல. அம்மாவோட ஆன்மா நாளைக்கு பதில் கேட்டு வந்தா என்ன சொல்றதுன்னு தெரியல என்றார்.

நிருபர் விடாமல், அம்மாவோட ஆன்மா கேட்ட அந்த கேள்விகள் என்ன என்று கேட்டவுடன், அந்த பேப்பரையே நமது நிருபரிடம் தந்தார். அழகான தங்க முலாம் பூசப்பட்ட அந்த வழு வழு பேப்பரில், ஜெ. ஜெயலலிதா. கேர் ஆஃப் நரகம், என்ற லெட்டர் ஹெட்டில் இருந்த விஷயங்கள் பிரத்தேயேகமாக உங்கள் நியூஸ் வாசகர்களுக்காக இதோ:

டியர் ஓபிஎஸ்:

என்னையம், என் ஆன்மாவையும் வைத்து தமிழக மக்களிடம் வியாபாரம் செய்து கொண்டிருக்கும் நீ, நாளைக்குள் கீழ்கண்ட கேள்விகளுக்கு பதில் சொல்லவேண்டும்.

1. எங்கேயோ டீ விற்றுக்கொண்டிருந்த சாதாரண உறுப்பினரான உன்னை யாருடைய பரிந்துரையின் அடிப்படையில் பெரியகுளம் நகராட்சி தலைவர் ஆக்கினேன்..?

2. யாருடைய சிபாரிசின் பேரில் உன்னை பெரியகுளம் சட்டமன்ற உறுப்பினர் ஆக்கினேன்..?

3. கட்சியில் உன்னை விட சீனியர்கள் இருக்கும் போது உன்னை தேனி மாவட்ட செயளாலர் பதவியில் அமர்த்த என்னிடம் பரிந்துரைத்தது யார்..?

4. திமுக போட்ட பொய் வழக்கினால் நான் சிறை செல்ல நேர்ந்த போது உன்னை விட மூத்த தலைவர்கள் பலர் இருந்த போதும் முதல் முறை சட்டமன்ற உறுப்பினர் ஆன உன்னை….தமிழக மக்களுக்கு யார் என்றே தெரியாத உன்னை ..நான் முதல்வராக இருந்த பதவியில் யாருடைய சிபாரிசின் பேரில் முதல்வர் நாற்காலியில் உன்னை அமர்த்தினேன்! என்பதை இந்த நாட்டு மக்களுக்கு தெரிவிப்பாயா..?

5. 2016 சட்டமன்ற தேர்தலுக்கு முன்பாக ஒரு வாரம் வீட்டு சிறையில் அடைத்தேனே.!! உனக்காக திமுக தலைவர் கருணாநிதியும் குரல் கொடுத்தாரே.! உன்னை ஏன்?வீட்டு சிறையில் ஒருவாரம் அடைத்து வைத்தேன் என்பதற்கான உண்மையான காரணத்தை தமிழக மக்களிடம் விளக்கி சொல்வாயா ?

6. உன்னை விசுவாசி என்று நம்பி நீ பரிந்துரைத்த நபர்களை பதவியில் அமர்த்தினேன்.அவர்கள் அனைவரையும் கூண்டோடு சட்ட மன்ற தேர்தலுக்கு முன்பாக பதவியிலிருந்தும்,கட்சியிலிருந்தும் ஏன்? நீக்கினேன் என்பதை அதிமுக தொண்டர்களுக்கும், பொது மக்களுக்கும் விளக்கி கூறமுடியுமா

7. உன் தம்பி ராஜாவை எதற்காக பெரியகுளம் நகராட்சி தலைவர் பதவியிலிருந்து ராஜினாமா செய்ய வைத்தேன்..?

8. உன் மகன் ரவீந்திரனை எதற்காக இளைஞர் மற்றும் இளம் பெண்கள் பாசறை செயலாளர் பதவியில் இருந்து நீக்கினேன் என்பதை அதிமுக தொண்டனுக்கும்,தமிழக மக்களுக்கு சொல்வாயா..?

9. அம்மா எனக்கு கொடுத்த பதவியை திரும்ப எடுத்ததே இல்லை என்று பொய் பேசிக்கொண்டு திரியும் பன்னீர் செல்வமே.! அதிமுக தொண்டர்களின் குறைகளை கேட்பதற்காக நால்வர் அணி என்று ஒன்றை அமைத்தேனே.! அதில் நீயும்,என்னால் கட்சியிலிருந்து ஓரம் கட்டப்பட்டு இன்று உன்னுடன் கூட்டு சேர்ந்துள்ள KPமுனுசாமியும் கூட்டுசேர்ந்து கொண்டு தொண்டர்களிடம் கட்டபஞ்சாயத்து செய்ததும், தொண்டர்களிடம் பணத்தை என் பெயரை சொல்லி வசூல் செய்து கொள்ளையடித்தது என் கவனத்தில் கொண்டுவரப்பட்ட போது அந்த நால்வர் அணியிலிருந்து உன்னையும், K.P.முனுசாமியையும் நீக்கி.! நால்வர் அணியை கலைத்ததை ஏன் நாட்டு மக்களிடம் மறைத்து..! பொய் பேசி திரிகிறாய்.!

10. மணல் மாஃபியா கூட்டத்தின் தலைவன் சேகர்ரெட்டியுடன் கூட்டு சேர்ந்துகொண்டு என் பெயரை பயன்படுத்தி கொள்ளையடித்ததும், பொதுப்பணித்துறையில் நீ அடித்த கொள்ளையும் என் கவனத்திற்கு வந்ததால் கட்சியிலும்,ஆட்சியிலும் உன்னை ஓரம்கட்டினேன். சட்டமன்ற தேர்தலின் போது கூட்டணி பேச்சுவார்த்தைக்கும், தேர்தல் பிரச்சாரத்திற்க்கும் உன்னை ஈடுபடுத்தாமல் கட்சி நடவடிக்கையிலிருந்து உன்னை நான் ஒதுக்கி வைத்த காரணத்தை நாட்டு மக்களுக்கு, அதிமுக தொண்டனுக்கும் தெளிவுபடுத்துவாயா..?

11. அம்மா எனக்கு கொடுத்த பதவியிலிருந்தும் நீக்கியதில்லை என்று பச்சை பொய்யை திரும்ப திரும்ப கூறிகொண்டு திரியும் உன்னை தேனி மாவட்ட செயளாலர் பதவியிலிருந்து நீக்கி தங்கதமிழ்செல்வத்திற்க்கு அப்பதவியை கொடுத்ததை வசதியாக மறைத்துவிட்டாயே ஏன்.

12. கடந்த சட்டமன்ற தேர்தலில் உனக்கும் KP.முனுசாமிக்கும் வாய்ப்பளிக்க கூடாது என நான் முடிவு செய்த போது அப்படி செய்தால் எதிர்க் கட்சிகளாலும், ஊடகங்களாலும் கடுமையான விமர்சிக்கபடலாம்.! அதனால் நம்முடைய வெற்றி வாய்ப்பு பாதிக்கபடலாம் எனவே இவர்களுக்கு சட்டமன்ற தேர்தலில் வாய்ப்பளிப்போம்.! வெற்றி பெற்று வந்தால் தொடர் கண்காணிப்பில் வைத்துக்கொள்ளலாம் என்று என்னிடம் #சசி பரிந்துரைத்ததால் தான் உனக்கும், முனுசாமிக்கும் சட்டமன்ற தேர்தலில் வாய்ப்பளித்தேன் என்பதை நாட்டு மக்களிடம் ஏன் மறைக்கிறாய்?

13. சட்டமன்ற தேர்தலில் வெற்றி பெற்ற உனக்கு அமைச்சரவையில் இடமளிக்க கூடாது என நான் முடிவெடுத்த போது அவ்வாறு செய்தால் கட்சிக்கும், ஆட்சிக்கும் கெட்ட பெயர் ஏற்படும்.மேலும் எதிர்கட்களின் விமர்சனங்களுக்கு ஆளாக நேரிடும், எனவே உனக்கு அமைச்சரவையில் இடம் அளிக்க வேண்டும் என்று சசி வேண்டுகோள் விடுத்ததால் தானே எனக்கு விருப்பம் இல்லையென்றாலும் உனக்கு அமைச்சர் பதவி அளித்து அழகு பார்த்தேன்.

14. உனக்கு அமைச்சரவையில் இடமளித்தாலும், அமைச்சரவை கூட்டங்களில் உன்னை அனுமதிக்காமலும், எந்த முக்கிய நிர்வாக முடிவெடுக்க கூடாது என்று நான் உத்தரவிட்டதையெல்லாம் நாட்டு மக்களிடமும், அதிமுக தொண்டர்களிடமும் மறைத்து பொய்யுரைத்துக்கொண்டு திரிகிறாயே ஏன்…

16. நான் உயிருடன் இல்லை என்பதால் நாட்டு மக்களிடமும், அதிமுக தொண்டர்களிடமும் கபட வேடம் போட்டுக்கொண்டு என்னுடைய எதிரிகளான திமுக மற்றும் பாஜகவுடன் கைகோர்த்துக்கொண்டு ஆட்சியையும், கட்சியையும் அழிக்க நினைக்கும் நீ ஏன் என் ஆன்மா வை அடிக்கடி சந்திக்கு இழுக்கிறாய்

இப்படிக்கு,

உன்னை வெறுக்கும்
ஜெ .ஜெயலலிதா

இந்த கடிதத்தை படித்த நமது நிருபர், வைரஸ் காய்ச்சல் வந்தது போல் பிதற்றி கொண்டு இருப்பதாகவும், ஆபீசுக்கு ஒருவாரம் லீவு போட்டுள்ளதாகவும் தெரிகிறது.

There are no comments yet