சென்னை: ஜெயலலிதா மறைந்ததால் காலியான ஆர்.கே. நகர் தொகுதியில் வரும் 12ம் தேதி இடைத் தேர்தல் நடக்க உள்ளது. அவரது அண்ணன் மகள் தீபா ஜெயலலிதா பிறந்த நாளன்று புதிய பேரவை துவங்கி தேர்தலில் போட்டியிடப் போவதாக அறிவித்தார். இந்நிலையில், திடீரென ஜெயலலிதா நினைவிடத்தில் மார்ச்12 அன்று தீபா திடீரென ஓபிஎஸ் பாணியில் தியானத்தில் ஈடுபட்டார். அப்போது உறுப்பினர் சேர்க்கைக்கான படிவத்தை ஜெயலலிதா நினைவிடம் முன்பு வைத்து தியானம் செய்தார். முன்னதாக ஓபிஎஸ் சின்னம்மாவுக்கு எதிராக போர்க்கொடி தூக்கும் முன் ஜெயலலிதா சமாதியில் அமர்ந்து தியானம் செய்தார்.

பின்னர் சின்னம்மா அடியாட்கள் தன்னை மிரட்டியாதாகவும், பதவி விலகச்சொல்லி வற்புறுத்தியதாகவும் பகிரங்க குற்றச்சாட்டை முன்வைத்தார். இது தமிழக மக்களிடையே அதிர்வலைகளை ஏற்படுத்தியது. தற்போது அதே பாணியைப் பின்பற்றி, குட்டி அம்மா தீபா கிறித்துவ முறையில் “ஜெபம்” மேற்கொண்டார். ஏற்கனவே கட்சிக்கு பெயர் வைக்கத் தெரியாமல் எம்.ஜி.ஆர். அம்மா தீபா பேரவை என்று ஒப்புக்கு சப்பாக பெயர் வைத்து கேலி கிண்டலுக்கு ஆளானார். தற்போது தேர்தலில் நிலைப்பாட்டை விளக்கத் தெரியாமல், இந்த ‘ஜெபத்தை’ மேற்கொண்டதாக மெரினாவில் பிரியாணி பொட்டலங்களுக்காக தீபாவுடன் கூடியிருந்தவர்கள் கிசுகிசுத்தனர்.

இது குறித்து கப்ஸா நிருபரிடம் பேசிய தீபா கூறியதாவது: நான் ஆர்.கே. நகரில் போட்டியிடப் போவதாக அறிவித்ததில் இருந்து சின்னம்மா தரப்பினர் என்னை கூலிப்படை மூலம் மிரட்டுகின்றனர். அவ்வப்போது சிறையில் இருக்கும் சின்னம்மா ‘டெலிபதி’யில் வந்து தூக்கத்தை கெடுத்து மிரட்டல் விடுக்கிறார். நான் கிறித்தவ முறையில் ஜெபம் பண்ணிய போது, என் கனவில் ‘யேசுவும், ஜெயலலிதாவும்’ வந்து மாறி மாறி அறிவுரைகளை வழங்கினர். யாரும் எனக்கு நேரடியாக எந்தவிதமான அச்சுறுத்தல்களையும் ஏற்படுத்தவில்லை என்றாலும் ஜெயா ஜீசஸ் ஆவிகள் போல் மறைமுகமாகவே தொல்லை கொடுத்து வருகின்றனர். எனக்கு பாதுகாப்பை கொடுக்க வேண்டிய அளவிற்கு எந்த அச்சமும் இல்லை. ஆனால், இவர்களைப் பற்றி நிச்சயமாக வெளியே தெரிவிக்க வேண்டும்.

மணிப்பூர் மக்களுக்காக 16 வருடம் போராடிய ‘இரும்புப்பெண்மணி’ இரோம் ஷர்மிளாவுக்கு 90 ஓட்டுக்கள்தானா என்பதை நினைக்கும்போது பயமாக இருக்கிறது. இரோம் ஷர்மிளாவுக்கு ஜெயலலிதா போன்ற ஒரு அத்தை இருந்திருந்தால் இந்நேரம் வெற்றிக்கனியை பறித்திருப்பார். எனக்கான பாடம் நான் நிற்கப்போகும் தேர்தலில் காத்திருக்கிறது. ஆனால், இவ்வளவு கேவலமாக என்னை தோற்க்கவிடமாடடார்கள் குவார்டடருக்கும், கோழி பிரியாணிக்கும் வாலாட்டும் எனது தொண்டர்கள் எனும் கூமுடடைகள். தங்களது நலனுக்காக தான் போராடினார் என்பது கூட தெரியாமல் வேடிக்கை பார்த்த மக்கள் தந்த தோல்வியால் வருந்தப்போவது இந்த இரும்புப்பெண்மணி இல்லை. அதே போல் ஆர் கே நகரில் என்னை தோல்வி அடைய வைத்தால் இந்த பஞ்சு மூட்டை குட்டி அம்மாவை நினைத்து ஒவ்வொரு நாளும் மக்கள் வருந்துவார்கள். இந்த ஜெபம் பலிக்கவில்லை என்றால் நான் இந்து மதத்துக்கு மாறும் திட்டம் வைத்துள்ளேன், அதனால் தான் கருப்பு ஸ்டிக்கர் பொட்டு வைத்துக் கொண்டு வந்தேன் என்று தனது நெற்றியை சுட்டிக் காட்டினார்.

பகிர்

There are no comments yet