சென்னை: சமீபத்தில் தனியார் தொலைக்காட்சிக்கு கமல்ஹாசன் பேட்டி ஒன்று அளித்திருந்தார். அதில் இந்துக்களை அவமதிக்கும் வகையிலும் மகாபாரதத்தை இழிவுபடுத்தும் வகையிலும் பேசியதாக புகார் எழுந்தது. இவ்விவகாரத்தில் இந்து மக்கள் கட்சியினர் சென்னை மாநகர காவல்துறை ஆணையரிடம் கமல்ஹாசன் மீது புகார் அளித்தனர். இது குறித்து வள்ளியூர் குற்றவியல் நடுவர் நீதிமன்றத்தில் ஆதிநாத சுந்தரம் என்பவர் வழக்கு தொடர்ந்துள்ளார். ‘நடிகர் கமல்ஹாசன் சமீப காலமாக கருத்து என்ற போர்வையில், சமூக ஊடகங்களில் பல அதிரடியான கருத்துக்களை தொடர்ந்து பதிவிட்டு வருகிறார். தனியார் தொலைக்காட்சி பேட்டியில், பெண்கள் பாதுகாப்பு தொடர்பான கேள்வி ஒன்றுக்குப் பதில் அளிக்கையில், இதிகாசமான மகாபாரதத்தில் சூதாடியது துச்சாதனன் துகில் உறிந்தது தொடர்பாக, அவதூறான கருத்துக்களைத் தெரிவித்தார். அவரது பேட்டி, மகாபாரதத்தையே இழிவுபடுத்தும் விதத்தில் அமைந்திருந்தது. இந்துக்களைப் புண்படுத்தும் வகையில், தொடர்ச்சியாக அவர் கருத்துக்களைப் பதிவுசெய்தார். இந்துக்களின் நம்பிக்கையையும் அவர்களின் வழிபாட்டையும் அவமரியாதை செய்யும் வகையில் அவர் கருத்துக்களைத் தெரிவித்தார். இது, என் மனதை மிகவும் புண்படுத்திவிட்டது. இதனால், அவர் மீது வழக்குத் தொடர்ந்து, உரிய நடவடிக்கை எடுக்க வேண்டும்’ என மனுவில் குறிப்பிட்டு உள்ளார்.

இது குறித்து ‘உலக்கை’ நாயகன் கமல்ஹாசன் கப்சா நிருபரிடம் அளித்த பேட்டி, “தமிழகத்தில் தற்போது நிலவிவரும் அரசியல் சூழ்நிலையின் படி சட்டசபைக்கு தேர்தல் நடத்த 4 ஆண்டுகள் வரை காத்திருக்காமல் உடனடியாக தேர்தல் நடத்த வேண்டும். ‘விஸ்வரூபம்’ படத்துக்கு பிறகு எழுந்த பிரச்சனைக்கு காரணம் இஸ்லாமியர்கள் அல்ல. அரசியல்வாதிகள் தான் முழுக்க முழுக்க காரணம். எனது படத்தை வெளியிடவிடாமல் தடுத்ததே அப்போதைய ஆட்சியில் இருந்த அம்மா தான். இது (பேட்டி) மக்கள் மீது உள்ள அக்கறை இல்லை விஸ்வரூபம் படத்தில் எனக்கு இந்த அரசின் மீது உள்ள வக்கறை தான். மக்களுக்கு புரிந்தாலும் புரியாவிட்டாலும், நான் பகுத்தறிவு வாதத்தை பேசிக்கொண்டேதான் இருப்பேன். அரசியல் வர்த்தகம் ஆகி விட்டது. நிகழ்கால அரசியலுக்கு தீங்கு ஏற்படுமானால் நிச்சயம் குரல் கொடுப்பேன். வெறும் கலைஞனாக மட்டும் என்னால் இருக்கமுடியாது. நான் பேசினால் மக்கள் குழம்புவார்கள் என்பதால் பேசுகிறேன். நான் அரசியல் பேசுவதற்கு ‘குடிமகன்’ என்பது தான் எனது முதல் தகுதி. அமைதிப்படுத்தலாமே தவிர யாரும் என்னை கட்டுப்படுத்த முடியாது. ஓ.பி.எஸ், ஈ.பி.எஸ் யாருடனும் எனக்கு பரிச்சாயம் இல்லை. நான் யாருக்கும் ஆதரவாக குரல் கொடுக்கவில்லை. சினிமாவை பலரும் விமர்சனம் செய்வது போல்தான் நானும் அரசியலை விமர்சனம் மட்டுமே செய்கிறேன். கண்களின் கீழே கருவளையம் விழுந்து விட்டது. இனியும் கதாநாயகனாக என் இடத்தை தக்க வைக்க என் வயது இடம் தராது என்பதை உணர்ந்ததன் விளைவு, அரசியல் களத்தில் நாயகன் வேடம் தரிக்கலாமா என்ற ஆசை வந்துவிட்டது. கேள்வியின் நாயகனாகவே வண்டி ஓட்டிக் கொண்டு, தமிழக கலாசாரத்தையும், தமிழர்களையும் இழிவாக பேசி காலங்களை தள்ள உள்ளேன். நான் செய்வது அரசியல் களப்பணி இல்லை. வெறும் வெத்து வாய் சவடால் மட்டும் தான்.

இந்த பூச்சாண்டிக்கெல்லாம் நான் பயப்பட மாட்டேன். பெண்கள் விஷயம் எனக்கு அல்வா சாப்பிடுவது மாதிரி.கோட்சேவை புண்ணிய மைந்தனாக சித்தரித்து ‘ஹேராம்’ படமெடுத்த எனக்கு மகாபாரதத்தை இழிவுபடுத்தி பேசுவது ஒன்றும் பெரிதல்ல. ட்விட்டர் சண்டியராக, சோம்பேறிப் போராளியாக களமிறங்கியுள்ள நான் தேவைப்பட்டால் இந்த வழக்கில் வக்கீலாக ஆஜராகி மக்களையும் ரசிகர்களையும் குழப்புவதுபோல், நீதிபதிகளையும் குழப்புவேன்” என்றார்.

பகிர்

There are no comments yet