ரஜினிகாந்தின் பாபா முத்திரை தங்களுக்குச் சொந்தமானது என்று மும்பை ஸ்டார்ட்-அப் நிறுவனம் ‘வோக்ஸ்வெப்’ உரிமை கோரியுள்ளது. யோகாவின் ‘ஆபன முத்திரை’ ரஜினி நடித்த ‘பாபா’ என்ற படுதோல்வி படத்தின் மூலம் மக்களிடையே பிரபலமானது. சமீபத்திய ரசிகர்கள் சந்திப்பின்போது அந்த முத்திரையை முதன்மைப்படுத்தினார் ரஜினி. தற்போது அவர் தனது அரசியல் வருகை குறித்து அதிகாரபூர்வமாக அறிவித்துள்ள சூழ்நிலையில், 234 தொகுதிகளிலும் தனித்துப் போட்டியிட இருப்பதாகவும் தெரிவித்துள்ளார். இதற்காக பிரத்யேக இணையதளம் மற்றும் மொபைல் ஆப் ஆகியவற்றையும் அவர் உருவாக்கியுள்ளார். அதே நேரத்தில் அரசியல் களத்தில் பயணிக்கத் தொடங்கியுள்ள ரஜினி, தனது கட்சியின் பெயர், கொள்கை, சின்னம் ஆகியவை குறித்து எதுவும் அறிவிக்கவில்லை. இதனையடுத்து ‘பாபா’ முத்திரையே அவர் கட்சியின் சின்னமாக இருக்கும் என்று கூறப்படுகிறது.
இந்நிலையில் ஒன்றரை வருடத்துக்கு முன்பு தொடங்கப்பட்ட மும்பை சமூக ஊடக செயலி நிறுவனமான ‘வோக்ஸ்வெப்’, ரஜினியின் முத்திரை தங்களுடைய சின்னம் என்று உரிமை கோரியுள்ளது. இதுகுறித்துப் பேசிய அந்நிறுவனத்தின் நிறுவனர் யாஷ் மிஸ்ரா, ”ஒரே சின்னத்தை வேறு நிறுவனமோ அல்லது பிராண்டோ வைத்திருந்தால் அது பெரிய பிரச்சினையல்ல. ஆனால் சமூக ஊடங்களும் அரசியல் கட்சிகளும் பிரத்யேகமான அம்சங்களைக் கொண்டுள்ளன. அவற்றுக்கு பெரிய மக்கள் கூட்டம் உண்டு. அவை ஒரே மாதிரியான சின்னங்களைப் பயன்படுத்துவது குழப்பத்தை உருவாக்கும். அவரின் முத்திரையும் எங்கள் சின்னமும் கட்டை விரலில் மட்டுமே சிறிய மாற்றத்தைக் கொண்டுள்ளது. இதனால் எங்களின் வாடிக்கையாளர்களும், பொதுமக்களும் நாங்கள் ரஜினிகாந்தை ஆதரிக்கிறோமா என்று தொடர்ந்து கேள்வி எழுப்பி வருகின்றனர்” என்று தெரிவித்துள்ளார். இதுதொடர்பாக ரஜினிக்குக் கடிதம் எழுதி உள்ளதாகவும், அதற்கு சினிமா கம் நிஜ வாழ்க்கை நடிகர் ரஜினியிடம் இருந்து வழக்கம்போல் பதில் எதுவும் வரவில்லை என்றும் மிஸ்ரா தெரிவித்துள்ளார்.
இது குறித்து ரசிகர்களிடம் ஆன்மிக அரசியல் முறைப்படி சூடம் சாம்பிரானி, ஊதுபத்தி, விபூதி சகிதமாக அவசர ஆலோசனை நடத்தினார் ரஜினி. அப்போது தற்சமயம் உள்ள லோகோ (இலச்சினை) உருவான கதையை ரசிகர்களிடம் கூறியிருக்கிறார். ஆங்கிலப்பட சிடிக்களை பார்த்து தமிழ் சினிமாவிற்கு சீன் பிடிப்பது போல் ஜவுளி விற்பனையில் நம்பர் ஒன் ஆக திகழும் சரவணா ஸ்டோர்ஸ் கடை லோகோவில் இருந்து ‘உண்மை உழைப்பு உயர்வு’ என்பதை உருவிக்கொண்டு, ஆன்மிக வழியில் ஆதரவற்ற சிறுவர் சிறுமியரை கல்வி அளித்து வாழ வைத்துக் கொண்டிருக்கும் ராமகிருஷ்ண மட லோகோவில் இருந்து பாம்பையும், கண்மூடித்தனமான ரசிகர்களை தன் வலையில் சிக்க வைக்க பிரபல கார்டூன் சினிமா கதாபாத்திரமான ஸ்பைடர்மேனின் விரல் அமைப்பை திருடி லோகோவை உருவாக்கியதை ஒப்புக் கொண்டுள்ளார். பிசினஸ் + ஆன்மிகம் + சினிமா பிரபலம் என மிக்சியில் அரைத்த ஒரு லோகோவை கஷ்டப்பட்டு உருவாக்கினேன் இப்போது ஒரு மும்பை நிறுவனம் உரிமை கொண்டாடுகிறதே என வருத்தப்படுவது போல் ரசிகர்களுடன் நடித்துக் காட்டியுள்ளார். கூட்டத்தில் கலந்து கொண்டவர்கள் கறி விருந்து சாப்பிடுவது போல் பாவனை செய்து கொண்டு வெறும் மேசைக்கும் வாய்க்கும் கையைக் கொண்டு சென்று வாயை மென்று கொண்டு ஆரவாரம் செய்த்தை பார்க்க பரவசமாக இருந்தது. அப்போது கூட்டத்தில் இருந்த ஒரு பாஜக ரஜினி ரசிகர் எழுந்து, ‘ரஜினியின் பாபா முத்திரை மும்பை நிறுவனத்துடையது.
மொத்த ரஜினி என்ற ஜந்துவே எங்களுடையது (பாஜக அரசியல் நிறுவனம்) என்றார். கரகோஷம் விண்ணைப் பிளந்தது. என்னையா ரஜினிக்கு வந்த சோதனை தலைவரை புதுசா கம்பெனி ஆரம்பிக்க விட மாட்டேன்றாங்களே என்றார் இன்னொரு ரசிகர். ரஜினி இந்த சின்னதை பாபா படம்(2002) வரும்போதே காப்புரிமை பெற்றுவிடத் தவறிவிட்டார். இப்போது என்ன பிரச்சனை என்றல் இது காங்கிரஸ் கை சின்னம்போலவே இருக்கிறது.. நடு மூன்று விரலை உயர்த்திக் காட்டினால் மூணுபட்டை நாமம் என்று திருப்பதி தேவஸ்தானம் ஆட்சேபணை தெரிவிக்கும். அல்லது நாளைக்கு பாவப்பட்ட விஷால் தனக்கு ‘சின் முத்ரா’ சின்னம் கேக்கலாம் .. அல்லது சிவகார்த்திகேயன் மான் கராத்தே முத்ரா கேக்கலாம். ஆகவே இதை கட்சி சின்னமாக வைக்க வேண்டாம் தலீவரே. என்றவாறு அங்கிருந்த விபூதியை தன் நடுவிரலால் தொட்டு நெற்றியில் வைக்க. சபாஷ் இதையை சின்னமாக வைத்துவிடலாம் என்று துள்ளிக் குதித்த ரஜினி தன் நடுவிரலை உயர்த்திக் காட்டி விவகாரமாக சைகை செய்தார். அர்த்தம் புரிந்த சில படித்த முட்டாள் ரசிகர்கள் தலை தெறிக்க ஓடினர்.
பகிர்